Shadow

Pagpaniro sa isa ka lalaki sa tabok sang barangay hall sang Estefania dakop sa CCTV

Ini ang video nga kuha sang CCTV sang Barangay Estefania sang nagluntad ang pagpaniro sa Dalan Sofia Gonzaga Pasado las dies Miyerkoles sang gab-i.

Makita sa video ang pagkinaran karan sang pila ka mga indibidwal sang gulpi nga gintiro sang makapila ka beses ang biktima nga si Danilo Sangcap Jr. Sang duha ka wala makilal-an nga gunman nga nanaug gikan sa nagdulog nga itom nga SUV.

Suno kay Police Major Jun Ray Batadlan, hepe sang Police Station 4, si Sangcap ang nag panaog lang sa iya nga motor bangud posible nga may ka transaksyon ini sang siya ang gin panaugan sang apat ka persona nga sakay sang suv kag gin luthang sang makapila ka beses kabangdanan nga siya ang napatay.

Gilayon man nag palagyo ang mga suspek nga tubtob karon wala pa sang identity.

May kaangtanan sa iligal nga droga ang gina tan-aw sang pnp nga motibo sa pag patay kay Sangcap nga ginakabig high value individual kag yara sa drugs watchlist sang Victorias City PNP.

Ginsiling naman ni Punong Barangay Jerry Tingson nga makabig isolated incident ang natabo nga pagniro sa mismo atubang sang barangay hall.

Sandig man sa monitoring sang barangay, ang pangayaw nga biktima nga taga Victorias ang makapila naman ka beses nga nakit-an sa lugar antes pa man natabo ang pagpaniro.

Leave a Reply

Your email address will not be published. Required fields are marked *

Secured By miniOrangeSecured By miniOrange