Pagpaniro nga nakuhaan sang video kun sa diin isa ang patay kag isa ang napilasan gina usisa sang Negros Oriental PNP.
Nakuhaan sang isa ka residente sang video ang natabo nga pagpaniro sa mga mga mangunguma sa may Barangay Nagbinlod banwa sang Santa Catalina sa Negros Oriental.
Nagresulta ini sa kamatayon sang isa ka mangunguma kag pagkasamad sang iya nga utod.
Suno kay Police Lt. Stephen Polinar, NOPPO spokesperson, Domingo sang natabo ang ini nga insidente.
Tatlo ka mga lalaki nga naka bonnet ang nakita nga nagpalagyo gikan sa crime scene.
Sa inisyal nga imbestigasyon sang PNP, naga sakay sa motorsiklo ang mga biktima kag naga sunod sa isa ka pick up.
Nagpondo sila para lantawon ang duta nga gina awayan.
Ang mga sakay sa pick up nagpanaog kag gintiro ang mga biktima kag nagpalagyo.
May na recover nga 12 ka empty shells sa lugar sang insidente.
Away sa duta ang gina lantaw nga posible motibo sa krimen.
Padayon pa nga ginakilala ang mga suspetsado.