Nagsugod na ang Visayan Sea Closed Season ukon Ang Pahuway sang Baybay. Nagakahulugan nga ginadumilian ang pagpanguha sang tuloy, tamban, tabagak, balantiyong, guma-a, bulao, kag hasa-hasa sa sulod sang tatlo ka bulan sumugod November 15, 2022 tubtob February 15, 2023 closed season.
Ini ang gin anunsyo sang Bureau of Fisheries and Aquatic Resources (BFAR) Region 7.
Paathag sang BFAR, ang pagpaiway sang pagpangisda sa Visayan Sea ang para mahatagan sang ligwa ang mga isda nga magmuad ukon magpadamu.
Nalakip sa 22 ka mga coastal areas nga maapektuhan sang ban sa pagpangisda ang mga banwa sang EB Magalona kag Manapla kag mga ciudad sang Victorias, Cadiz, Sagay kag Escalante sa Negros Occidental.
Apektado man ang fisherfolks sang Carles, Estancia, Batad, San Dionisio, Concepcion, Ajuy, Barotac Viejo, Banate, Anilao, Barotac Nuevo sa probinsiya sang Iloilo kag Roxas City, Panay, Pontevedra, President Roxas, kag Pilar, sa probinsiya sang Capiz.