Padayon ang pag panghanda sang mga LGU sa tagsa nila ka pavilion para sa pagbukas sang Panaad sa Negros Festival.
May mga pavilion nga padayon pa ang pagkaayo kag installation. May mga pavilion naman nga plastado na. Sa mga themed pavilions makit-an indi lamang ang mga naga panguna nga produkto sang kada banwa kag siudad kundi gina pasundayag man diri ang kultura kag maragtas sang lugar.
Magluwas sa mga themed pavilions padayon man ang pag plastar sang mga canopy nga paga gamiton para sa mga trade fair kag iban pa gid nga hilikuton nga sarang masaksihan para sa gina kabig festival of festivals nga maga bukas sa Lunes , Abril 15. May mga designated parking areas naman nga napahamtang.