Sa isa lamang ka semana, 262 ka ektariya sang katubuhan sa Visayas ang na monitor nga may yara sang Red striped soft-scale insect infestation.
Karon nagdangat na sa 3,656 hectares ang katubuhan nga na igo sang RSSI base sa August 19 nga record.
3,594 hectares diri ang mga standing canes, kun sa diin halos 3,447 hectares ang yara sa Negros Occidental.
82 hectares naman ang yara sa Iloilo, 27.7 hectares sa Capiz, 24.8 hectares sa Negros Oriental kag 12 hectares sa Leyte. Masobra sa 1,900 ka sugar farmers ang apektado.
Ang nabilin nga 62.5 hectares ang gina panag-iyahan sang apat ka mga planter gikan sa Cadiz City kag Manapla.
Ila gintugutan ang ila nga na harvest nga mga apektado nga tubo nga gamiton para sa production study sang mga researchers sang Sugar Regulatory Administration para mapat-od ang kapierdehan ukon ang pag nubo sa sugar content sang mga tubo kun may yara gid man.
Sandig sa pagtu-on sa Egypt ang RSSI infestation sarang makapanubo sang sugar content tubtob sa 50 percent.
Si SRA Administrator Pablo Luis Azcona ang nag pa gwa sang direktiba sa research team nga magtutok sa effects sang RSSI sa harvestable canes nga 9-10 months old para tigayon man mahibaluan sang ahensya kun ang infestation maga apekto sang production estimates sa ginapaabot nga crop year.