Pagpangawat sa motorcycle shop sa dalan Rizal nakuhaan CCTV video. Naga uba sang pang ibabaw nga panapton ining ginapatihan nga kawatan nga nagsulod sa baligyaan sang motorcycle parts sa dalan Rizal sa Bacolod.
Sa kuha sang CCTV makita nga gin abukay sang wala pa makilal an nga lalaki ang kaha sang baligyaan.
Nag-gwa sa pagpang usisa sang kapulisan nga nag-agi sa ginrungkab nga atop ang kawatan agud masulod ang baligyaan.
Padayon pa nga gina inventory sang tagdumalahan sang baligyaan ang mga nadula mga cash kag items sa nagluntad nga pagpangawat.
Tungod sang sunod-sunod nga kaso sang pagpangawat ilabi na sa downtown area nagapangabay ang pamunuan sang Police Station 1 sa mga negosyante nga pabaskugon ang seguridad sa ila mga baligyaan. Dungan sini ang pasalig nga mapasanyug ang police visibility nalakip diri ang pagpatrolya sa ila nasakpan nga area of responsibility.