Makita sa sini nga CCTV footage ang ini ng tigulang nga lalaki nga naka puti nga t shirt nga nagpalapit sa atubang sang Burgos Public Market.
Nagplastar pa gid siya pungko sa pulungkuan nga gina panag-iyahan sang iya nga kawatan.
Nag hulat sang tyming nga masako ang tanan kag sang maka kita sang oportunidad nagpawala kuha sang lima ka tray sang itlog kag nag lakat nga daw sa wala lang sang kawatay nga natabo.
Nagtabok siya balik kag nag sakay sa e-tryk.
May pulis pa nga naka duty sang amo nga inoras sa gwa sang merkado pero ang tanan wala maka hibalo sang natabo. Suno kay Nene Gumatas, gintugyan sa iya ni Tiyay Neneng nga katupad niya man baligyaan ang iya sini ng baligya kay mabakal siya sang sud-an pamahaw.
Pag abot ni Tiyay Neneng nakibot siya nga wala na ang itlog.
Si Tiyay Neneng ukon si Elisa Catacata amo ang naga panag iya sang ginkawat nga mga itlog. 54 anyos na siya kag adlaw adlaw nga naga bulante sang itlog. Wala niya mapunggan nga magtulo ang iya luha samtang gina istorya nga naga libog ang ulo niya kun diin siya makuha sang inug tabon nga isa ka libo ka pesos bilang bayad sa mga ginpangawat nga itlog. Order yadto tani sang isa ka customer.
Trending sa mga vendors ang natabo nga kinawatay. Gina lantaw nila ang video kag indi nila kilala ang tigulang.
Suno pa kay Tiyay Neneng, nagmuno ang iya nga utod nga kun makilala ang persona nga nangawat sang itlog, ila kuno ipakastigo ang tawo pero si Tiyay Neneng indi pabor diri.
Subong nga hapon ipa blotter niya ang insidente. Nagalaum pa siya nga kun tani ma konsensya ang kawatan kag bayaran siya sa mga itlog nga kinawatan kay iya ini nga gina pangabudlayan.