Dakup sa CCTV ang pagpangawat sang cellphone sa isa ka baligyaan sang cake sa tabok sang Bacolod City Government Center.
Sa post sang Purple Cake Bacolod ginpahibalo sini ang ila nga mga customer nga indi matawgan ang ila nga contact number matapos sila nga ginsulod sang kawatan kahapon nga adlaw.
Sa CCTV video makita ang ini nga lalaki nga naka jacket nga nagsulod sa store nagpakuno kuno nga mabakal sang cake.
Sa una nga attempt ginhulog niya ang papel para maka kuha sang oportunidad nga makuha ang cellphone sa desk sang cashier.
Naglantaw-lantaw pa siya sang mga cake sa chiller kag nagbalik sila sang cashier sa desk.
May ginkuha lang makadali ang cashier kag naka kuha sang oportunidad ang lalaki nga kuhaon ang cellphone kag wala na may ginbakal nag rekta na siya gwa sa puertahan.
Sa mga nakakilala sa amo nga lalaki naga panawagwan ang management sang store nga mahimo makig angut lang sa ila nga Facebook Page nga Purple Cake Bacolod.