Nagalapta karon sa social media ining cctv footage sang aktwal nga pagpangawat sa balay sang pamilya Calipusan sa Sonata Residences sa Barangay Vista Alegre sa Bacolod sang Oktubre 6.
Sa video makita ang wala makilal an nga lalaki nga nagatiniil, naka facemask kag nakakalo nga nagalambiyong sa sulod sang balay nga wala sang tawo.
Madasun siya nga nang abukay sang mga cabinet kag ginpangkuha ang makit an nga mga electronic gadget, alahas kag kwarta.
Pila sa mga netizen ang naakig kay daw nag shopping lang ang kawatan sa sulod sang balay.
Sa pagpang usisa sang katapo sang Police Station 7, sirado sadto ang mga pwertahan kag bintana sang balay. Pero ang suspek ang nagsaka sa atop, gingunting ang sin kag ginguba ang kisame sang balay tubtob nga nakasulod siya sa isa sa mga kwarto.
Padayon pa karon nga gina usisa sang kapulisan ang kaso agud makilal an ang nakapalagyo nga persona.