Pagpangawat sa commercial establishment nakuhaan sang CCTV video, pati mga equipment gin-ihian sang kawatan. Sa video makita ang lalaki nga naga pang abukay sa sulod baligyaan sang industrial supplies sa San Sebastian Street sa Bacolod sang Sabado sang gab-i.
Makita pa sa video nga wala labot nga ginpangawat sang suspek ang mga laptop, cellphone, cash kag iban pa nga equipment, gin-ihian niya pa ang mga pagkabutang sa sulod sang establishiemento.
Ginsiling sang empleyada sang baligyaan nga nag-agi ang kawatan sa ginakaayo nga atop kag ginwasak ang kisami agud maka sulod sa commercial establishment.
Masobra sa isa ka milyon ka pesos ang balor sang mga kinawatan nga pagkabutang.
Gina usisa na sang katapo sang Police Station 1 ang pintor nga ginapatihan responsable sa pagpangawat.
Naga ayo karon ang tagdumalahan sang baligyaan sa management sang building nga ila gina arkilahan nga kuntani magpa alinton kun may yara sang ginapatuman nga repair ukon construction bangud makatatlo na ini ka beses nga may natabo nga pagpangawat sa lugar.
Asta karon wala pa napakaayo ang atop kag ang ginwasak nga kisame.