Iloy sang 15 anyos nga solterito naga pangayo sang bulig sa pagkilala sa mag-iloy nga yara sa cctv video nga nagkastigo sa iya bata nga naga sakay sa trisikad sa Talisay City.
Suno sa kay Bing-bing Olita nasal-an lang sang mag-iloy ang iya menor de edad nga anak nga amo ang nagkastigo sa bata man sang babaye sa gym sang Talisay sang Domingo.
Makita sa cctv nga una gintapungol sang bata nga lalaki ang biktima kag ginlagas pa gid sang iloy ang trisikad kag ginsumbag ang menor de edad.
Wala naman sila sa Talisay suno sa kay Olita sang Domingo kay nag family outing sila kag makita sa iya nga reels nga gin post sang Domingo nga nag lagaw ang ila nga pamilya kaupod ang iya kinse ka tuig nga bata.
Naga pati siya nga napasibangdan lang ang iya nga anak pero wala siya naga kumporme sa ginhimo sang mag iloy nga pagpanakit sa iya nga bata gani ginpa blotter niya na ang insidente sa Talisay PNP kag ginpaidalom sa medico legal examination ang iya nga anak.