Sa ila Facebook ginpahibalo sang Bago PNP ang publiko nga naga pangdakop na sila sang mga motorcycle riders nga naga gamit sang open pipe nga mga tambutso.
Gintawag ang ini nga lihok nga “Pahamtang sa Husto, Ipaayo ang Tambutso!” – Fix your mufflers, avoid penalties.
Base sa page, gina siling sang PNP nga ang ini nga klase sang tambutso ang naga tuga sang distorbo, indi maayo sa ikaayong lawas kag isa a bayolasyon sang laye.
Sa announcement ginsiling man nga “Ang Tunog sang Disiplina, Indi Bungol!” – ang matuod tuod kuno nga mga riders naga respeto sa kalinong.
Sang kahapon gin papondo ang mga motorista nga nakita nga naga gamit sang open pipe mufflers kag gin paandaman nga dakpon na sila sa dason.