Year-end bonus sang mga empleyado sang kapitolyo probinsyal ang ginsugdan na release. Wala labot sini, may gina paabot pa gid nga indi magnubo sa 40,000 pesos nga extra bonus.
Depende sa pag process sang tagsa ka departamento, suno kay Provincial Administrator Rayfrando Diaz, may iban nga naka baton na sang ila nga year-end bonus ukon 14th month pay nga equivalent sa isa ka bulan nga sweldo. Ini ang ginsugdan release Nobyembre 15.
Sa karon suno kay Diaz gina suguran naman process sang kapitolyo ang para sa Collective Negotiation Incentive nga 25,000 pesos. May gina paabot man ang mga empleyado nga Service Recognition Incentive nga 10,000 pesos, Productivity Enhancement Incentive nga 5,000 nga suma total 40,000 pesos. Ini ang may mga schedule na for releasing.
Kay wala na gin tugutan ang IBES ukon Incentive Benefit for Exemplary Service kasunod sang pag disallow sang COA, may Performance Based Bonus naman nga sarang mahatag sa masunod na nga tuig suno kay Diaz.
Ang sweldo kag performance ang maga pat-od sang kantidad nga mabaton para diri. Ining gina abi-abi kag gina pasalamatan sang Progressive Alliance of Capitol Employees.
“We would like to inform our members sa union, that despite the lesser bonus, we are still privileged. Why? Daku ta gihapon sang sa iban”, suno kay Renelo Lastierre, ang presidente sang PACE.
Ang mga job order workers kag ang sa idalom sang contract of service nga wala madala sa amo nga mga bonuses ang maga baton sang gratuity pay kag gift and food packs suno kay Diaz.