BacCHP Coordinator ginklaro sa mga punong barangay nga wala sang gina pili nga kolor ang health program sang Benitez administration.
May masobra na sa 20,000 ka Bacolod City Comprehensive Health Program applications ang nabaton sang Benitez administration. Kag masobra na 6,000 ang na validate suno kay Engr. Mae Cuaycong coordinator sang BacCHP.
Pero sa pagsinapol wala napaiway sang pila ka mga punong barangay nga mamangkot kun ngaa wala na lang ginpaagi sa barangay ang pagpanagtag kag pagproseso sa mga BacCHP applications sang ila constituents.
Ginklaro naman ni Cuaycong nga wala sang pinilian ang Benitez administration bahin sa pagpalab ot sang benepisyo paagi sa BacCHP.
Suno sa iya gintugyan nila sa Liga ng mga Barangay ang pag distribute sang BacCHP forms kag may gintalana man nga help desk sa lobby sang Bacolod City Government Center. May yara man sang online application pinaagi naman sa facebook page sang alkalde.