Nahuman na ang solar panel laying sa Kapitolyo Probinsyal.
Ginapaabot nga mangin operational na ang solar power sa capitol building antes magtakop ang bulan sang Agosto.
Natigayon naman set-up ang mga transformer para sa inverters subong nga adlaw suno kay Provincial Administrator Rayfrando Diaz.
Abanse sang isa ka semana sa original schedule ang installation nga gina patigayon karon suno kay Diaz dala man sang favorable weather kag sang pag binuligay gikan sa mga empleyado sang gobyerno probinsyal kag sang contractor.
Sunod naman nga butangan sang solar panels ang building sang Food Terminal Market kag Negros Residences. Pagkatapos sini ang Negros First CyberCentre.
Maga bayad ang Negros Occidental sang P6.90 per kilowatt hour nga fixed rate sa sulod sang 15 ka tuig sa idalom sang public private partnership sini sa WeGen Energy Philippines.
Ang WeGen man ang nagpatuman sang tanan nga installation. Wala sang kagastuhan ang probinsya diri.
Yara sa P11.50 per kWH ang sukot sa kuryente karon sang Negros Electric Power Corporation.