No build zones nga sakop sang mga kilid sang suba sa La Carlota City ang tuyo nga mas palaparon.
Nakasaad sa official page sang La Cartlota City PIO, nga sa ginpatigayon nga first quarter meeting sang City Disaster Risk Reduction Management Council, ipatuman sang siudad ang mas istrikto nga compliance sa no build zones.
Para man mapahagan-hagan ang risgo, ginduso nga mas palaparon pa gid sa 20 metros ang no-build zones gikan sa threshold sini karon.
Na apektuhan ang mga suba dala sang pag ab-ab sang mga kilid sini pag igo sang bagyo Tino.
Nakasaad pa gid nga ang anuman nga istruktura nga ara na sa sulod sang danger zone ang indi na pagtugutan nga mag expand. Dumilian man ang dugang nga pag patindog sang ano man nga structure diri.
Sa pihak nga bahin, nagapabilin pa tubtob sa karon ang pila sa mga pumuluyo nga na apektuhan sang Bagyo Tino sa mga evacuation center.
Padayon nga gina gamit ang pila ka mga hulot klasehan sng La Carlota Central Elementary School kag La Carlota North Elementary School bilang evacuation center.
Rason nga luyag man sang bise alkalde sang siudad, David Baga, mahatagan sang kalubaran ang concern sang DepEd angut sa amo nga sitwasyon.*