Pabor ang Commission on Elections kag mga opisyales sang Philippine National Police kag Armed Forces of the Philippines sa ginaduso nga pagpaiway anay sang 2023 Barangay kag SK Elections sa Negros Oriental bangud sang natabo nga pinatyanay sa probinsya.
Sa Senate inquiry sa natabo nga pagpatay kay Governor Roel Degamo, ginsiling ni COMELEC chairperson George Garcia nga suportado nila ang proposal ni Senator Francis Tolentino nga i-postpone ang BSKE sa probinsya, apang may ginakabalak-an ini nga pila ka legal issues sa postponement.
Magluwas sa COMELEC, nagpahayag man sang suporta sa pagpaisol sang BSKE si PNP Region VII Director Anthony Aberin kag Negros Oriental Army Chief Brigadier General Leonardo Peña may angut naman ini sa ila concern sa dugang nga tropa para sa seguridad.
Marso 4 ginpatay si Gov Degamo kag siyam ka iban pa nga mga persona kag isa sa mga gina lantaw nga rason amo ang pulitika.