6th District Representative Mercedes Alvarez ang naga pati nga kun may Executive Order gid man nga ipa gwa para sa Negros Island Region antes ang pag pasar sang laye, daku ini nga bulig.
Suno kay Alvarez, ang presidente man sa gihapon ang maga pirma sang laye sa pagtukod sang NIR gani daku ang impluwensya nga sarang matuga sang EO sang presidente sa pag pasar sini.
Damlag pa may mga negosyante nga nag panawagan kay Presidente Ferdinand Marcos, Jr., nga mag pa gwa sang EO antes pa man ang pag pasar sang laye.
Para kay Vice Governor Jeffrey Ferrer, luyag niya nga maghulat na lamang nga mapasar ang laye para sa NIR. Suno sa iya sang tion ni Presidente Benigno Aquino, III isa man ka EO sadto ang ginpasar kag tigayon nga na abolish sang tion ni anay Presidente Rodrigo Duterte.
Dugang pa sang bise gobernador, ang proposal sang pagtuga sang sub-regions para maka pahamtang sang satellite officesnagakasayuran sang funding. Nagapabilin sa karon sa Committee on Appropriations ang hagna para sa NIR.
Kagab-i ginsiling ni Sen. Imee Marcos nga kinahanglan ang isa ka maid-id nga debate para sa NIR labi na nga may yara sang opposition sa Negros Oriental. Indi pabor si Governor Roel Degamo sa NIR kag cultural differences ang isa sa iya nga ginatudlo rason.
Suno kay Ferrer maayo man ang debate para mapat-od kun ano gid ang mga rason nga gina pamatukan sang oposisyon ang NIR. Mahimo man nga may kaangtanan ini sa pulitika suno kay Ferrer.
Si Negros Oriental Representative Arnie Teves ang isa sa mga naga duso sang NIR. Suno kay Alvarez, tubtob sa karon wala naka submit si Degamo sang position paper sa Committee on Local Government nga damlag pa gin hinyo sa iya.