Pagkutkot agud matun-an ang nadiskubrehan nga tunnel ukon pugon sa Roxas Street sa Bacolod City ginatugyan na sang katapo sang konseho sa National Historical Commission.
Nabaton na sang NHC ang request sang siudad angut sa pag-usisa sang nakutkutan nga daan nga mga pagkabutang lakip na mga tisa, royda sang kalesa pati na tul-an sang kabayo sa Roxas Street.
Nadiskubrehan upod sa ginapatihan pugon ukon tunnel nga nakutkutan sang mga trabahador nga naga ubra sang drainage project.
Indi pa mapat-ud ni Councilor Jason Villarosa, pamuno sang Committee on Tourism kun ano ang mangin plano sang NHC sa amo nga discovery.
Nahangpan niya nga liwat maapektuhan ang mga motorista kag mga negosyante nga malapit sa lugar kun liwat nga kutkuton ang natabunan na nga discovery. Gani iya na lamang ini ginatugyan sa NHC.