Kuha sa CCTV video ang aksidente nga pagka tumba sang 34 anyos nga rider sa iya motorsiklo sa Araneta Street, sa Barangay Tangub sa Bacolod, Sabado sang gab-i.
Makita sa video ang iya pagkanusnos sa dalan upod sa pagslide sang iya motorsiklo.
Sa pagpang-usisa sang Police Station 8 Traffic Section, nagahingagaw pauli sa Negros Oriental ang rider sakay sa iya ginamaneho nga motor.
Nag gwa nga nag inom-inom anay ang rider upod sa iya mga abyan antes natabo ang disgrasya.
Sa kakusog sang pagkatumba sang motorsiklo, nawasak pati ang helmet sang rider.
Kahapon tigayon siya nga naka gwa sa ospital sa pihak sang gin angkon nga mga pilas sa ulo kag nagkalain lain nga bahin sang lawas.