Karon nga natapos na ang kasakuon dala sang kampanya kag eleksyon, luyag ni Negros Occidental Governor Eugenio Jose Lacson nga tutukan balik sang mga LGU ang pagbakuna.
Suno kay Lacson, may mga lugar sa gihapon sa probinsya nga may manubo nga vaccination rate sa mga senior citizen ukon ang yadtong yara sa A2 category.
Magluwas sini dapat nga iduso man ang booster shots.
Suno kay Lacson dapat liwat nga iduso ang pagbakuna. Nagalaum ang gobernador nga kuntani tayuyon na ang pagnubo sang Covid – 19 cases labi na nga ginasiling balantayan ang mangin sitwasyon karon nga natapos na ang piniliay kun sa diin may tuman nga pagdagsa sang mga pumuluyo sa kampanya.
Naga pabilin suno kay Lacson nga pito ang LGU nga yara sa alert level one sa Negros Occidental kag gina tinguhaan nga madugangan ini.
Sa pihak nga bahin, mensahe sang gobernador sa mga alkalde karon nga maga sugod naman ang bag-o nga termino, dapat mag hatag sang maayo nga panghimanwa ukon good governance.
Ini ang maga serbe nga kontribusyon sa pungsod.