Pagkaayo sang 10 ka public CR ginasuguran na sang siudad sang Bacolod gamit ang P16M nga personal nga kwarta sang alkalde. Natapos na sang City Engineer’s Office ang pagkaayo sang comfort room sa Bacolod LGU booth santo sa pagsaulog sang Panaad sa Negros Festival sa Barangay Mansilingan.
Suno kay City Engineer Loben Rafael Ceballos, malapit man sa P300,000 ang nagamit nga pondo halin sa personal nga kwarta ni Mayor Albee Benitez.
Ginatan-aw nga posible sarang pa mapakaayo ang dugang nga siyam ka public CR sa siudad pinaagi sa P16M nga donasyon sang alkalde kabaylo sang pondo nga gingamit para sa pagpakaayo sang City Mayor’s Office sa Bacolod City Government Center.
Nakit-an sang alkalde nga magluwas sa Mayor’s Office ginakinahanglan man nga makaayo ang mga public CR sa siudad amo nga personal niya nga kwarta ang gingamit para diri.
Nalakip sa amat- amat nga kay-uhon sang City Engineer’s ang CR sa likod sang BCGC kag sa Bacolod Public Plaza.