Matapos nga nangin madinalag-on ang pag-host sang Bacolod City sa pinakauna nga Negros Island Athletic Association Meet, may duha naman ka mga dalagko nga sport events ang nga hiwaton sa siudad.
Ini ang FIBA Under 18 Women’s Qualifier Cup sa Hunyo 2 tubtob 8 kag BATANG PINOY 2026 sa Disyembre 12 tubtob 13 sini nga tuig.
Ginsiling ni Atty. Mark Steven Mayo, City Administrator nga makapila na ka beses nga nagbalik ang Samahan ng mga Basketball Player sa Pilipinas agud magtan-aw sang mga venue sa siudad.
Ginkasugtan nga magasambuwa ang anum ka mga teams gikan aa Southeast Asia sa Skyhall sang National University Bacolod kag Gymnasium sang STI West Negros.
Dugang niya, ang siudad ang magahatag sang tanan nga logistics sa amo nga kompetisyon, apang ang billeting ang iya na sang tagsa ka mga nasyon.
Samtang, ginkumpirmar liwat ni Bacolod City Mayor Greg Gasataya nga ang Bacolod ang maga-host sang paalaboton nga Batang Pinoy 2026.
May yara sang ginatun-an nga pagsulundan ang Sports Commission sa amo nga kompetisyon. Imbes nga 18 ang maximum age sang mga atleta, posible nga ipanaog ini sa 15 anyos.
Sa karon, padayon ang paghanda sang siudad sa amo nga mga sport events.
Suno sa alkalde, ini ang isa man ka pamatuod nga nagadako na ang sport industry sa siudad sang Bacolod.
[sibwp_form id=1]