Ginapa-validate na sang siudad sang Bacolod ang listahan sang mga Public Utility Jeepney kag tricycle drivers sa siudad agud matun-an ang posibilidad nga mahatagan sila sang dugang nga fuel subsidy gikan sa lokal nga panguluhan.
Ginsiling ni Mayor Greg Gasataya nga may ara na sang pondo nga ginpa-in ang gobyerno nasyonal para sa mga public transportation drivers, apang luyag man sang siudad nga maghatag pagid sang separado nga pondo para sa mga drivers sa Bacolod.
Apang, pagklaro sang alkalde, depende ini sa gihapon sa availability sang pondo.
Ginahaylo sang alkalde ang Land Transportation Franchising and Regulatory Board kag ang Permits and License Division sa siudad nga siguruhon nga klaro kag insakto ang listahan sang mga benepesyaryo.
2.5 billion pesos ang pondo nga ginpain sang Department of Budget and Management para Fuel Subsidy Program sang Department of Transportation sa bug-os nga Pilipinas.
Wala pa matumod kon pila ang subsidy nga ihatag sang gobyerno nasyonal sa tagsa ka mga drivers bangud nagapadayon pa ang listing sang DOTr.*
[sibwp_form id=1]