Maga padayon ang pag hatag sang food assistance sang probinsya para sa mga evacuees nga naga pabilin na lamang sa mga covered court sang eskwelahan ukon sa mga tolda nga gintukod.
Ini suno kay Negros Occidental Governor Eugenio Jose Lacson nga nagsiling man nga ang pag balik sang mga evacuees sa mga barangay nila ang nagatugot man nga sila ang maka amat-amat balik normal sa ila nga pag pangabuhi.
“Meaning to say if dira sa barangay, lapit lang sa ila residence. If that’s the case we cease to provide with their daily needs”, suno kay Lacson.
Magluwas sa emergency shelter tents nga gintukod sa Brgy Robles ang Office of the Civil Defense-Negros Island Region ang nagapahamtang man sang mga tolda sa Brgy Mansalanao nga maga serbe man temporary shelter sa mga apektado sang bulkan Kanlaon.
Suno kay Governor Lacson, sa karon padayon ang pag pangita para sa permanent relocation site sa La Castellana.
May problema sila sa value sang duta sa una na nila na identify nga duha ka posible permanent relocation site.
Suno kay Lacson, indi man lang pwede nga gilayon magbaton ang probinsya sang kantidad nga gina tanyag sang tag-iya sang duta.
Naga kaigo nga may yara sang committee nga amo ang maga pat-od sang kantidad ukon value sang duta.