May masobra na sa 127,000 ka mga overnight tourist ang nagbisita sa Negros Occidental humalin sang Enero tubtob Hunyo 15 sini nga tuig.
Suno kay Provincial Tourism Officer Cheryl Decena, ang datus ang gikan pa lamang sa 12 ka mga siudad kag isa ka banwa sa probinsya gani ini ang magasaka pa.
127,040 ang domestic overnight tourist kag 454 naman ang foreign overnight tourist kag 33 ang wala naka specify.
445,118 naman ang same day visitors ukon ang mga nagbisita nga wala mag overnight. Karon nga nag halog na ang restrictions kag bukas na ang mga border, suno kay Decena mabatyagan na ang pagsaka sa demand for travel gikan sa mga turista pinaagi sa mga naga hinyo sang assistance sa ila nga talatapan kag sa mga LGU man.
Pero suno kay Decena wala nagakalipatan safety precaution labi na nga wala pa man nadula ang Covid.
Ginatutukan karon ang mga tourism recovery efforts. Daku ang nabulig sang Lakbayanihan nga ginlunsar sang Mayo, wala labot bahin sa sales sang mga LGU, pati man sa accreditation sang mga establishments.
Suno kay Decena gikan sa 143,203 na ukon nagsaka sa 43 percent ang DOT accredited establishments sa Negros Occidental.