Kay weekend na, gina paabot sang probinsya ang pagpadulong sang mas madamo pa gid nga bisita sa nabilin nga halos tatlo ka adlaw sang Panaad sa Negros Festival.
Gina bulubanta indi magnubo sa mga 10,000 ka mga Panaad goers ang naga bisita sa kada adlaw humalin sang pag sugod sang selebrasyon.
Ini suno kay Provincial Administrator, Rayfrando Diaz, nga nag pahayag man wala labot nga weekend gani may tiempo na nga makabisita, gina paabot ang pag release sang sweldo sang yadtong mga naga trabaho.
Karon na sa gab-i ang Lin-ay sang Negros bagay nga gina hulat labi na sang mga pageant enthusiasts.
Karon na mahibaluan kun sin-o ang koronahan gikan sa 27 ka mga Lin-ay sang Negros candidates.
Bwas naman Marso 29, las 4 sang hapon may yara sang Kapamilya Karavan kun sa diin yara ang PBB kag ASAP artists.
Pag ka las 8 naman sang gab-i yara sanday Rico Blanco kag Janella Salvador.
Kag sa Domingo, Marso 30 maga perform si Bamboo.