Pagdagsa sang mga maga file sang ila nga Certificate of Candidacy subong nga adlaw patimaan nga madamo ang luyag mag serbisyo sa publiko.
Ini suno kay Provincial Elections Supervisor, Ian Lee Ananoria nga nag siling nga ang pagpadulong sang mga maga kandidato sa pag file sang ila nga COC maayo nga sinyales kag wala na naghulat pa sang last day sang filing.
Sa mga banwa kag siudad, naga depende na kun may lugar ang talatapan sang Comelec sa pag accomodate sang mga naga file.
Ang iban gin pakamaayo nga sa gym patigayunon ang COC filing.
May mga lugar man suno kag Ananoria nga mahimo apektado sang pag bubo sang ulan rason nga diutay pa lang ang nag file.
Gina sulit ni Ananoria ang pahanumdom sa mga kandidato nga seryoso ang Comelec batuk sa pre-mature campaigning.
Sa tion nga mag file na sang COC nagakasayuran nga nagsugod naman ang candidacy sang nag-file.
Sa Oktubre 19 naman maga sugod ang campaign period.