Pila ka mga sugar groups ang nag abi-abi sang pag veto sang presidente sang sugar importation.
Ang Asociacion de Agricultores de La Carlota y Pontevedra Inc ukon AALCPI, ang La Carlota Mill District Multi-Purpose Cooperative kag United Sugar Producers Federation ang nag abi-abi sang pag scrap sang Sugar Order number 4 nga naga tugot sang pag import sang 300,00 metric tons sang kalamay.
Suno kay David Alba ang general manager sang AALCPI kag LCMDMPC indi nagakaigo ang amo nga pag-import labi na nga nagsugod na galing ang lima ka sentral sa probinsya.
Sila ang nagapasalamat kay Presidente Ferdinand Marcos Jr. Suno kay Alba, iga recommend nila sa presidente ang pag reverse sang Sugar Order 3, kag tigaylo i-release ini para sa mga consumer kag retailer para masabat ang ginalantaw kakulang sa supply sang kalamay sa pungsod.
Suno kay Representative Dino Yulo nga anay board member sang SRA, wala pa naubos release ang gin-import gikan sa Sugar Order number 3 nga para sa mga industrial user. May problema man sa supply pero naga pati siya nga tuman ka dako ang ginduso sadto nga pag import sang 300,00 metric tons.
Nagapasalamat man si UNIFED president lamata sa nangin tikang sang presidente kag naga upod sa panawagan ni Senator Imee Marcos nga revamp sa Department of Agriculture kag SRA sa tunga sang imbestigasyon nga gina patigayon sa gina siling gin pa gwa nga iligal nga Sugar Order number 4.
Samtang, indi na luyag pa ni Vice Governor Jeffrey Ferrer nga mag pa gwa sang pahayag angut sa issue kay SRA administrator Hermenegildo Serafica karon nga may gina patuman na nga investigation.
Suno sa bise gobernador may ipadala na lamang siya nga dokumento angut diri. Damlag pa, nag duso si Ferrer sang pagkakas kay serafica bangud sang mga reklamo batuk sa iya.