Bacolod Negros Occidental Economic Highway pagabuksan sa Agosto 31.
Plano sang DPWH nga ini ang palaparan pa sa madasun nga tuig.
Halos pwede na maagyan ang bilog nga Bacolod Negros Occidental Economic highway nga naga-angut sang Barangay Sum-ag sa Bacolod City sa Victorias City.
Ini kuntani ang isa sa mga natalana kadtuan sang pagbisita ni Presidente Ferdinand Marcos, Jr., sa Bacolod.
Pero ginsiling ni DPWH Regional Director Engr. Sanny Boy Oropel ila ginpaisol ang pagbukas sang BANOCEH sa Agosto 31.
Plano sang DPWH regional office nga mapalaparan pa ang masobra 48 kilometer nga highway nga sarang makapalip-ot sang sang travel time halin sa isa ka oras sa 25 minutos halin sa southern area sang Bacolod pakadto sa Bacolod Silay Airport.
Kapin sa P7B ang pondo nga gintalana para sa road construction project nga ginapaabot magahatag solusyon sa problema sa trapiko sa siudad.