Dumilian na sang siudad ang pagbaligya, nalakip diri mga ukay-ukay sa palibot sang Bacolod Public.
Sa madasun nga tuig indi pagtugutan sang siudad ang pagtukod sang mga baligyaan ilabi na mga ukay-ukay sa palibot sang Bacolod Public Plaza.
Magasugilanon man si Mayor Albee Benitez sa pamunuan sang Diocese of Bacolod nga nagapanag-iya sang lot property sa kilid sang dalan Rizal nga parte sang plaza agud mauntat na ang naandan nga pagpahanugot sang mga manugbaligya sa lugar.
Plano sang alkalde nga patahumon pa ang Bacolod Public Plaza paagi sa pag rehabilitate sang water fountain kag pagdugang sang mga integrated sound and lights system.
Suno kay Councilor Celia Flor, pamuno sang Committee on Markets and Slaughterhouse nga indi naman kinahanglan pa sang ordinansa bangud sarang man ini nga mabalabagan sang konseho.
Kutob Enero 6 ang pagbaligya sang mga ukay-ukay sa Bacolod Public Plaza.