Gin-anunsyo ni Mayor Albee Benitez nga sa Huwebes pangunahan mismo ni Agriculture Secretary Francisco Tiu Laurel, Jr., ang pag-roll out sang tag-P20 kada kilo nga bugas sa Bacolod. Kabahin ini sang national government food security program.
Ang baligyaanay ang patigayunon sa tatlo ka mga major markets kag sa Bacolod City Government Center.
May kapin sa P7.7M nga ginpain nga pondo ang Bacolod LGU nga maga gikan sa City Cooperative and Livelihood Development Office.
Ini ang gamiton bilang subsidy sa pagbakal sang supply sang bugas halin sa Food Terminal Incorporated nga amo naman ang magabakal sang bugas halin National Food Authority.
May kabilugan nga 5,880 ka sako sang bugas ang baklon sang siudad. Mangin prayoridad sang programa ang mga senior citizen, persons with disabilities, indigent families kag kabahin sang vulnerable sector.
Limitado lang sa 10 kilo kada semana ang sarang mabakal sang mga benepisyaryo.