Tuyo sang local government unit nga pagbaligya sang P20 nga kilo sang bugas sa idalom sang Food Emergency Security Program ang indi mapahanugutan sang Commission on Elections.
Sa press conference Hwebes nga adlaw sa Bacolod City, ginpaathag ni COMELEC Commissioner, George Erwin Garcia nga sa pagbaligya sang tag 33 pesos nga kilo sang bugas sa tig P20 kada kilo, may yara sang share ukon gin-subsidize ang local government unit.
Gani naga kasayuran nga ini ang kabahin sang ayuda.
Nagakadapat nga ang local government unit ang magahinyo sang exemption para diri suno kay Garcia.
Pero, sa pagsulundan man sang COMELEC, sila ang magapatuman sang ban sa paghatag sang ayuda napulo ka adlaw antes ang piniliay.
Kag ini ang maga sugod na sa Mayo 2.
Ang paghatag lamang sang medical assistance kag burial assistance ang wala malakip sa ban sa mga ayuda nga gina hatag.
Kun natigayon man ang roll out sang P20/kilo rice sa Cebu ini bangud ang nagpatuman sini Department of Agriculture kag iya mismo ginsulat sa na aprobahan nga exemption nga dapat ang Cebu LGU ang magahinyo sang exemption kun sila ang maga roll out man.
Pero, bisan pa sa DA, ang iya nga abiso nga padayunon na lamang ang roll out sang P20/kilo nga rice pagkatapos na lamang sang piniliay agudto malikawan man ang malisya batuk sa ahensya angut sa amo nga programa.
Gintugutan niya ang initial roll out para man mapakita nga ang COMELEC indi upang sa kasubong nga mga bulig kag programa.