Mass vaccination sa bente uno ka mga barangay sa Bacolod ang magasugod na bwas nga adlaw.
Magapatigayon sang vaccination ang Barangay Villamonte, Montevista, Handumanan, Mansilingan, Vista Alegre, Felisa, Alijis, Granada, Estefania, Alangilan, Punta Taytay, Pahanocoy, Barangay 39, Bata, Banago, Mandalagan, Taculing, Singcang-Airport kag Barangay 38.
Patigayunon naman ang vaccination sang Barangay 3 sa Andres Bonifacio Elementary School kag ang Barangay 16 sa Education Training Center School.
Ginpahayag ni Bacolod Emergency Operations Center executive director Em Ang nga ang iban nga barangay vaccination centers ang magabaton sang mga pumuluyo gikan sa katupad nga mga barangay.
Hatagan sang prayoridad ang mga senior citizens kag may co-morbidities nga nakaparehistro na damlag pa sa ila barangay ukon pinaagi sa online registration.
Ang mga nag abot nga astrazeneca nga bakuna nga nabaton sang siudad amo ang pagagamiton sa mga barangay.
Magapadayon man bwas ang mass vaccination sang siudad sa duha ka mga shopping malls.