Ang paglapta sang Red-striped Soft Scale Insects ukon RSSI sa isla sang Negros ang nag quadruple sa sulod saang walo ka adlaw kag gina kabig na sang Sugar Regulatory Administration nga alarming.
Sa ginpa gwa nga pahayag sang SRA sila ang naga hinyo sang emergency powers kasubong man bulig sang iban nga ahensya sang gobyerno para malikawan ang pag lapta pa gid sang peste nga naga igo sa mga tubo sa isla sang Negros kun sa diin masobra sa 60 percent sang sugar produce sa pungsod ang naga gikan.
Paagi sa emergency powers nga gina hinyo sang SRA makapatuman sila sang pag quarantine ukon pag restrict sang gwa sulod sang tubo kag mga planting materials kasubong man ang pagbakal sang pesticide para ma contain ang RSSI.
Suno kay Agriculure Regional Director Engr Jose Albert Barrogo karon nga yara naman ang tiglawas sang Bureau of Plant Industry nga kabahin man sang Inter-Agency Task Force ginapaabot ang pag pa gwa na sang order para ma restrict ang gwa sulod sang tubo.
Kaina nag site visit na sa affected nga lugar kag gina paabot nga bwas, Miyerkules, masuguran na ang spraying sang insecticide.
As of May 30, may 424.82 hecates na ang apektado sang RSSI.
“They have already discussed ang concern nga kun pwede na i-restrict ang movement sang cane tops naton. Pa gwaan na order through BPI. And then nag abot naman kahapon ang taga BPI Central Office nga nagdala sang pesticides. Ato to sila subong sa northern part, sa Victorias, for the site validation anay, then this afternoon ma recommend sila sang sites”, suno kay Barrogo.