Ang pagpabaskog sang vaccination program halin sa mga mega vaccination center sa mga mall pakadto sa mga purok sa kabarangayan ang kabahin sang tikang sang Bacolod Emergency Operations Center agud mapangapinan ang publiko sa posible liwat nga pagsaka sang Covid-19 cases sa pungsod.
Suno kay Dr. Edwin Miraflor, officer in charge sang City Health Office, may nagaluntad nga pagsaka sang Covid-19 cases sa kaiping nga pungsod sa Asya bangud man sang panibag o nga strain sang virus.
Gani prayoridad karon sang vaccination team paagi sa mobile vaxi ang pag administer sang booster dose para sa vulnerable population nalakip diri mga senior citizen kag may co-morbidity.
Suportado man sang opisyal sang EOC ang pag require sang booster shot nga ginaduso sang Department of Health.
May 153 porsyiento na ang fully vaccinated 18-59 age group sa Bacolod. 16 percent naman ang nakabaton sang booster shots.