Shadow

Pag release sang vaccination cards gikan sa mis gina padasig na

Mas gina padasig karon sang Negros Occidental ang pag release sang vaccination cards nga may QR code sang mga nabakunahan sa probinsya.

Paathag ni provincial administrator Rayfrando Diaz, gikan sa mga vaccination sites sa mga local government units dapat ang listahan sang mga fully vaccinated nga nalagdaan sang municipal ukon city health officer kag sang alkalde ang ipadala sa Provincial Health Office.

Ang PHO ang maga pasa sini para sa uploading sa MIS ukon management information system sang probinsya. Kun yara na sa MIS ini ang sarang ma access na sang tagsa ka LGU.

Ang mga nabakunahan sa pag kuha sang ila nga vaccination card nga may QR code ang dapat mag pakig-angut sa ila nga tagsa ka LGU. Gina tun-an pa sang probinsya kun pwede nga mangin personal na lang kasubong sa email ang pagkuha sang vaccination card nga may QR code.

Ang pag issue sini ang nasandig sa request sang natungdan. Ang vaccination card nga may QR code sarang na magamit sa biyahe tigaylo sang negative RT PCR test result nga gina-require.

Leave a Reply

Your email address will not be published. Required fields are marked *

Secured By miniOrangeSecured By miniOrange