Joint National and Regional Task Force Kanlaon Meeting: Consultation Dialogue on the Impacts of the Kanlaon Volcano Eruption gin patigayon sa L’Fisher Hotel, Bacolod sang July 7, 2025. Joelu Jalandoni page photo
Pag-release sang pondo para sa mga Kanlaon affected LGUs ang padayon nga gina hulat.
May masobra pa sa 6,000 ka evacuees ang naga pabilin sa mga evacuation centers sa Canlaon City, La Castellana, La Carlota kag Bago City.
Sa pagsinapol kahapon sang nagkalain-lain nga mga ahensya sang gobyerno sa pag pamuno sang Department of the Interior ang Local Government isa sa gintalakay ang status sang ginhinyo nga pondo.
Suno kay Office of the Civil Defense – NIR Director, Donato Sermeno, III, ginsiling nga gikan sa Local Government Fund pagakuhaon ang pondo kag dapat ang tagsa ka LGU ang maga follow-up sini.
Ang Canlaon City, La Castellana, Himamaylan para sa Tent City kag La Carlota City ang may approved nga mga request kag padayon nga naga hulat sini.
“Hasta subong wala pa ma download, gin-clarify ni ASec of OCD nga ang proposal was forwarded to OCD nga ang proposal was forwarded to OCD and then and then endorsed by the Civil Defense Administrator kay Sec Teodoro gin endorse favorably to the Office of the President, thinking nga ang pondo would be coming from the — fund. Ang ga gwa sa DBM ginpaagi, ang Local Government Support Fund ang gamiton. That’s why dira nag stuck up as of now indi man ka follow up amo na advise man sang DBM, only ang Local Chief Executives lang pwede maka follow up sang request”, suno kay Sermeno.
Samtang, masbora sa 70 percent sa 37 ka pamilya nga damlag pa nag biya sa ila nga mga campsite sa La Castellana nga wala sang permiso ang tigayon nga nakabalik.
Suno kay John de Asis, ang Municipal Disaster Risk Reduction Management Officer sang La Castellana, sa mga nagbiya, bisan ano pa ang ila nga pag alungay may yara sang indi na luyag pa nga mag balik sa campsite.
Ini sila ang naga puyo na upod sa ila nga pamilya ukon mga kakilala nga naga-istar sagwa na sang 6km extended danger zone.
Naghinyo man ang La Castellana suno kay Sermeno, kun pwede matugutan ang mga yadtong nagapuyo sa kilid sang dalan kag sakop sang 5.2 km extended danger zone nga mag balik.
Suno kay Sermeno ang rekomendasyon sang PHIVOLCS nga dapat mag pabilin nga wala sang human activity ang 6km extended danger zone.
Pero yara naman sa LGU ang desisyon bangud gina kilala ang autonomy man sang LGU. Pero Klaro ni de Asis, indi man sila mag desisyon nga wala sang clearance.