Natingala si Councilor Jason Villarosa, pamuno sang Committee on Tourism sang konseho kun ngaa sini lang nga Disyembre 29 nahatag ang nabilin nga P20,000 nga kabahin sang tig-P100,000 nga consolation prizes sa pito ka mga barangay nga nagpasakop sa Masskara Festival Streetdancing and Arena competition sang Oktubre.
Gani luyag niya nga magdayalogo upod kay Mayor Albee Benitez kag pamunuan sang Bacolod Yuhum Foundation nga amo ang nagdumala sang tuigan nga kahiwatan.
Masobra man duha ka bulan antes nabaton sang kabarangayan ang ginpasalig nga premyo. Nakakip sa mga barangay nga natagaan sang consolation prize ang Barangay 21, 34, 40, Barangay Cabug, Mansilingan kag Vista Alegre.