Rehabilitation sang mga water fountain sang BCGC kag Bacolod City Government Center suguran sa madasun semana.
Ginapangitaan na sang siudad sang lugar nga masayluhan ang mga ambulant vendors sa palibot sang Bacolod City Public Plaza nga posible apektuhan sang natalana nga pag-rehabilitate sang fountain area kag pila pa ka mga pasilidad.
Ginsiling ni City Administrator, Lucille Gelvolea, paagi sa Tourism Infrastructure and Enterprise Zone Authority suguran na ang construction sang proyekto sa madasun nga semana. Dungan nga i-rehabilitate ang fountain area sang Bacolod City Government Center.
Ang TIEZA ang nag pain sang kabilugan nga P300M nga pondo para sa separado nga rehabilitation project.
Ginapaabot ni Mayor Albee Benitez nga paagi sa pagpatahom sang mga water fountain sa BCGC kag Bacolod Public Plaza mas madamo nga turista ang magabisita sa isa sa mangin atraksyon sang siudad sa palaabuton.