Shadow

Pag regulate sang pag gamit sang single use plastic yara na sa final reading

Yara na sa third and final reading ang House Bill No. 9147,ang hagna nga maga regulate kag maga untat sa paghimo sang mga single-use plastics.

Suno kay Congressman Greg Gasataya,isa sa mga principal authors, mangin solusyon ini sa problema sang plastic pollution sa pungsod.

Ang HB 9147 ang nagatuyo man nga mag regulate sa manufacturing, importation kag pagamit sang single-use plastic products.

Nalakip man diri ang paghatag sang nagakaigo nga multa kag incentives sa mga industriya kag business enterprises.

Para kay Dave Albao,executive director sang Philippine Reef and Rainforest Conservation Foundation Incorporated, makabig na nga dako nga kadalag an ang bill nga makapila man ka beses wala matigayon pasar sa kongreso.

Nagapati si Albao nga may dako nga epekto sa negosyo kag konsumedor ang hagna.

Pero ginakinahanglan ini para sa environmental safety kag matagaan solusyon ang problema sa plastic.

Ang Philippine Reef and Rainforest Conservation Foundation Incorporated ang grupo nga nagtukod sang Wala Usik Economy project para mapahagan hagan ang paggamit sang plastic.

Leave a Reply

Your email address will not be published. Required fields are marked *

Secured By miniOrangeSecured By miniOrange