Pagpangudal sang SMPHI sa Manokan Country sa reclamation area suguran sa Pebrero 15 kag 21.
Magapangudal na kuntani ang SM Prime Holdings Incorporated sa kilid sang Manokan Country sa Rizal Street sini nga semana.
Ugaling nag-ayo ang mga flower vendors nga naga-operate sa kilid sang dalan nga matagaan sila sang kahigayunan nga mabaligya ang napangompra na nila nga bulak para sa Valentine’s Day.
Gani ginsiling ni City Legal Officer Karol Joseph Chiu nga ila na lang patapuson ang kahiwatan antes sirad-an ang kilid sang Manokan sa Pebrero 15.
Tungod nakasaylo naman ang mga tenants sang Manokan sa ila temporayo nga baligyaan sa parking area sa mall, posible nga sa Pebrero 21 pakudalan sang SMPHI ang daan nga Manokan.
Ang Bacolod LGU ang nagtalana na sang mga tents sa Fr. Ferrero street nga sarang magamit sang mga tenants.
Dungan sa pagpangudal sang SMPHI ang ipatuman nga road closure sa Fr. Ferrero street kun diin pwede maka-operate ang mga tenants sang Manokan.
Paagi sa joint development project sang Bacolod LGU kag SMPHI iga-develop ang Manokan nga kabahin sang 3-hectare property sang siudad.