Nag-viral ang ini nga video online matapos makit-an ang pagsulat sang isa ka persona sang tinaga nga "Bahacolod" sa board up sang isa ka establisimiento sa Barangay Mandalagan sa siudad sang Bacolod.
Nagdangat na sa igtalupangod sang siudad ang amo nga insidente kag padayon naman sa karun nga ginpangita sang kapulisan ang persona nga yara sa video.
Ginsiling ni Bacolod City Mayor Greg Gasataya nga may kinamatarong man ang mga natungdan nga magpabutyag sang ila mga opinyon sa siudad, apang indi eksakto nga lugar ang pag vandalize sa palibot.
Gintugyanan naman sang alkalde ang City Legal Office Enforcement Team nga magbulig sa kapulisan pangita sang suspetsado.
Gina pa-review na ang mga kuha sang CCTV nga malapit sa area agud makilal-an na ang yara sa video.
Dugang sang alkalde, manabat ang suspetsado bangud may existing nga ordinansa ang siudad nga nagadumili sa amo nga mga aktibidad.
Sandig sa City Ordinance No. 534, may penalidad nga 3,000 pesos tubtob 5,000 pesos ukon sarang ma priso sang tatlo tubtob anum ka bulan ang bisan sin-o man nga madakpan nga naga pang vandalize.
[sibwp_form id=1]