20 asta 40 liters sang produkto petrolyo may napulo ka beses nga gin-alegar ginpadul-ong sa balay sang personnel sang Bacolod DRRMO.
Indi pa mapat-ud sang City Legal Office kun pila ang kabilugan nga balor sang gina-alegar ginpalapaw nga supply sang produkto petrolyo sa Bacolod DRRMO.
Pero sandig sa inisyal nila nga pagpang-usisa, may 20 liters tubtob 40 liters ang ginadul-ong nga supply sa mismo puluy-an sang isa sa mga personnel nga karon gina-usisa.
Ang City Legal Office ang ginmanduan ni Mayor Albee Benitez may kaangtanan sa nabaton nga reklamo.
Ginpahayag ni City Legal Officer Karol Joseph Chiu nga asta subong padayon ang ila pagtipon sang mga affidavit antes sang natalana nga pag-issue sang show cause order batuk sa wala pa nahingadlan nga empleyado sang siudad.
Kabahin sa mga napasakaan na sang kaso kag na-issuehan sang show cause order sang CLO ang duha pa ka mga regular employee nga gina-alegar naga-serbe fixer sa opisina ang City Treasurer’s Office – Licensing Division kag BENRO.