Ginapaabot na ang pag-operate sang clustered sanitary landfill sa Sitio Hiniwaan, Barangay Manghanoy sa banwa sang La Castellana.
Ini suno kay Provincial Environment and Management Officer sang Negros Occidental, Atty Julie Ann Bedrio nga nag patpat sang programa sang probinsya para sa palibot karon nga gina saulog ang Provincial Environment Month.
Ang highlights sang kahiwatan suno kay Bedrio amo ang ending plastic pollution angut man sa world environment program.
Sa interview sang media ginsiling ni Bedrio nga plastado na ang Solid Waste Management Program sang Negros Occidental.
Karon ginapaabot sa indi madugay ang pag operate sang clustered sanitary landfill.
30 million pesos nga pondo nga naga serbe counterpart sang probinsya ang na-pain para diri.
May counterpart man ang La Castellana. May siyam ka mga LGU nga naga lakip sang Pulupandan, Valladolid, San Enrique, Pontevedra, Hinigaran, Binalbagan, Moises Padilla, Isabela kag pati na La Castellana ang maga gamit diri. Suno kay Bedrio may Executive Order na nga napa gwa si Governor Eugenio Jose Lacson nga naga tukod sang technical working group.
Ginapaabot naman ang pag lagda sang Memorandum of Agreement angut sa fees sa pag gamit sang sanitary landfill.