Nakalab ot sa igtalupangud sang City Health Office ang reklamu sang pila ka mga dialysis patient nga indi kumporme sa resulta sang ila RT -PCR test sa Bacolod Queen of Mercy Hospital Molecular Laboratory matapos nga mag positibo sa RT-PCR test.
Suno kay Dr. Edwin Miraflor, ila na igapausisa ang natabo sa City Epidemiology Surveillance Unit kag sa Department of Health agud mapasiguro ang integridad sang RT-PCR machine.
Ginsiling man ni Dr. Chris Sorongon,deputy for medical data and analysis sang Emergency Operation Center, indi man maka apekto sa integridad sang RT-PCR machine sang BQMH molecular laboratory nga karon ginpaidalom sa maintenance.
“We take into consideration the integrity of our molecular laboratory.they have been in operation in a year in half already and not one have been in question. So sa aton naka kwa sang resulta nga nagpaliwat sila,they have to take into consideration several factors that might have affect nga kun positive to negative, but our experts infectious disease consultants have agreed with the Philippine College of Physician nga ang una nga resulta nga positibo amo gid na ang aton sundon.”
Damlag pa may dialysis patient nga nag kwestyun sa RT-PCR test result sang molecular lab sang ospital. Nag positibo siya sa Covid-19 pero sang nagpa swab test liwat pagka sunod nga adlaw sa bays center nag negatibo na sa virus.
Sandig sa advisory sang ospital, maid id ang ginapatuman nga validation sa resulta sang RT-PCR test sa molecular lab.
Indi man mapaiway suno sa tagdumalahan kun lain ang resulta sang ila test sa iban nga molab amo nga nagakaingay nga ini ang mausisa sang doctor.
Ang mga hemodialysis patient ang wala man naga cash out sa ospital bangud covered sang Philippine Health Insurance ang RT-PCR testing.
Ang tagdumalahan nagsiling nga nagapabilin nga operational ang ila nga molecular lab.
Kaina may yara man sang mga pasyente nga padayon nga ginakuhaan sang swab specimen sa ospital.
Suno kay Miraflor ini ang sarang man nga ipadala sang BQMH sa iban nga mga pribado nga molab nga amo ang maga patigayon sang test sa mga specimen nga ila ipadala.