Negros Oriental 3rd district Congressman Arnolfo Teves, Jr., nagsiling nga idugang niya sa iya nga resume ang pag kabig sa iya sang Anti-Terrorism Council bilang isa ka terorista.
Sa isa ka online press conference subong nga udto nag atubang si Congressman Teves sa media kaupod ang iya abogado para sabton ang pila ka mga issue kag una diri ang pag deklarar sa iya sang Anti-Terrorism Council ukon ATC bilang isa ka terorista.
Gindala sang kongresista sa lahog ang isyu kag nagsiling nga idugang niya ini sa iya nga resume.
Pero ginsiling sang iya abogado nga si Atty. Ferdinand Topacio nga ila gina tun-an ang ila nga legal options kag isa na diri ang delisting ukon ang pagkakas sa iya sa lisatahan.
Dugang pa ni Teves sarang siya bayaran sang gobyerno kun mapamatud-an nga nag abusar sila.
Wala man sang plano si Teves nga magpauli sa Pilipinas bangud indi niya luyag nga ibutang sa delikado nga sitwasyon ang iya nga kabuhi kag handa siya nga mag upod martsa sa EDSA kun may mga maga himo sini.
Ginapaabot niya naman kuno ang paglakip sa iya nga utod kag sa mga tawo ga konektado sa iya sa ginahimo sang gobyerno.
Ang pagklakip sa iya sa listahan sang terorista ang isa lamang ka tikang para ma freeze ang iya nga assets kag gina paabot niya naman ini.
Sa press conference makita sa background ni Teves ang pila ka mga hashtags parehos sang Go POGO, media blackout, martial law 2.0, smuggling, corruption kag mahal nga bili sang mga balaklon.