Ang unification sang sugar stakeholders. Ini sa karon ang pagpanghangkat sa bag-o nga liderato sang Sugar Regulatory Administration.
Suno sa Presidente sang Luzon Federation of Sugar Producers, Inc., ukon Luzonfed nga si Cornelio Toreja, sa kadamo sang problema man nga gina atubang sang industriya karon dapat nga mangin solid ang sugar stakeholders.
Suno kay Toreja lubos ang ila nga suporta kay Acting Administrator David Alba kag Board Members Pablo Luis Azcona kag Ma Mitzi Mangwag.
“Ang challenge kay Administrator Dave, kay Paul at tsaka kay Mitzi, mag ka meron ng unification ang industry. Dapat solid tayo for the good ng industry”, suno kay Toreja.
Para naman kay Manuel Lamata, ang presidente sang United Sugar Producers Federation,ukon UNIFED, ang bag-o nga SRA board ang mangin mas maayo. Ang tatlo ang gikan sa Negros.
Suno kay Lamata ang UNIFED ang maga trabaho upod sa ila lakip na sa iban pa gid nga mga sugar stakeholders.
“The new SRA board is definitely going to be better. UNIFED will always be working for the industry and we will work hand-in-hand with the three new board members,”suno kay Lamata.
Suno kay Mangwag sila ang naga tutok na karon sa ila nga trabaho bilang katapo sang Sugar Board.
“Rest assured we are the working board. We will touch base. We really need help. We really need to settle everything. Let’s move on for the betterment of the sugar industry”, suno kay Magwag.
Samtang, sanday Lamata kag Toreja ang naga ugyon sa 150,000 metric tons nga importation sang kalamay nga gina paabot antes ang Nobyembre 15.
Ang gina paabot naman nga pag nubo sa 70 pesos sa kada kilo sa retail price sa kalamay ang mabatyagan sa indi madugay.
Suno kay Mangwag, na pa gwa na sang URC team ang pondo para diri.
Sila ang nagtambong sa ginapatigayon subong ang 68th Philsutech Annual Convention sa SMX.