Halin sa mga government vehicles asta sa mga office equipment sang Bacolod LGU ang amat-amat na nga ginasaylo sa database sang siudad kabahin sang ginapatuman nga e-governance system.
Ginsiling ni Secretary to the Mayor Atty. Marty Go, mas mangin mahapos na ang recording kag tracking sang mga government assets paagi sa amo nga sistema.
Gani mas maamligan kag ma-monitor man sang siudad ang mga salakyan kag iban pa nga equipment nga kinahanglan sang repair kag maintenance.
Sang 2023, masobra man isa ka gatus ka mga salakyan kag iban pa nga mga government assets sang Bacolod LGU ang sadto natalupangdan missing sang ginmando ni Mayor Albee Benitez ang inventory sang tanan nga mga government vehicles sang siudad.
Pila sa mga naghatag kabudlayan sadto sa katapo sang Government Services Office ang kakulang sang dokumento sa recording sang mga na-issue nga memorandum receipt sa mga empleyado, ilabi na sa mga yadtong nag-retiro na.