Ginsugdan na ang pag install sang solar panels sa Kapitolyo Probinsyal.
Maga hatag ini sang barato nga bili sang kuryente.
Ginalauman suno kay Provincial Administrator Rayfrando Diaz nga mahuman ang installation sang solar panels sa mga atop sang buildings sa katapusan sang bulan sang Agusto.
Sa idalom sang Public Private Partnership nag lagda sang isa ka memorandum of agreement ang probinsya sa WeGen Energy Philippines Inc.
Suno kay Diaz ang kumpanya ang maga patuman sang installation nga wala sang kagastuhanan sa bahin sang probinsya kag maga baligya sila sang kuryente sa probinsya sa fixed rate nga P6.90 per kilowatt hour sa sulod sang 15 ka tuig.
Mas barato sang sa P11.50/kWH nga bili sang kuryente sang Negros Electric and Power Corp.
Sang bulan sang Abril nag lagda sang MOA si Governor Eugenio Jose Lacson sa WeGen para sa 1,270kW rooftop solar project para sa anum ka mga provincial government buildings.
Kun mahuman na ang installation sa Kapitolyo, masunod naman ang Food Terminal Market, Negros First CyberCentre kag ang Negros Residences suno kay Diaz.
Ang dason nga target ang mga provincial government hospitals.